A EMPRESA SAUDABLE E O ENVELLECEMENTO DA POBOACIÓN ACTIVA

Enmarcada na Semana Europea da Seguridade e Saúde no Traballo, tivo lugar o día 28 de outubro no Centro de Prevención de Riscos Laborais de Cádiz unha xornada titulada “A empresa saudable”.

A Mutua Colaboradora coa Seguridade Social Fraternidad-Muprespa participou neste acto, cuxa finalidade era fomentar os hábitos saudables no ámbito laboral e apoiar empresarios, traballadores e directivos para xestionar os retos derivados do envellecemento da poboación activa.

A delegada territorial de Economía, Innovación, Ciencia e Emprego da Xunta de Andalucía, Gema Pérez, comentou as cifras da Enquisa de Poboación Activa (EPA) e apuntou que “estamos a falar de case 84.000 persoas con especial risco en función da súa idade”.

Dende a Xunta de Andalucía tamén se comentou que, segundo diferentes estudos,s “non só reducen os custos directos asociados á asistencia sanitaria, senón que tamén diminúen as baixas por enfermidade, a rotación de persoal e a sinistralidade laboral”.  En conclusión, a promoción da saúde no traballo contribúe a que “se incremente a produtividade e a motivación da poboación traballadora”.

A xornada tamén contou coa presenza  e participación de Águeda  Lahera, directora do Centro de Prevención de Riscos Laborais de Cádiz, Ángel Luis Merlo, técnico de Prevención de Fraternidad-Muprespa,  María Eugenia González, en representación de Airbus Group España, e Antonio Ares Camerino, da Deputación Provincial de Cádiz.