NOVA LEI DE PROCEDEMENTO ADMINISTRATIVO, XORNADA INFORMATIVA EN SALAMANCA
O día 1 de decembro, a Mutua Colaboradora coa Seguridade Social Fraternidad-Muprespa participou nunha xornada informativa organizada polo Colexio Oficial de Graduados Sociais baixo o título: “Nova Lei de procedemento administrativo” que se celebrou no salón de actos da dirección provincial do Instituto Nacional da Seguridade Social de Salamanca.
A presentación da xornada e dos relatores foi realizada por Cristina Prieto Revuelta, directora provincial do INSS e por Fernando Casado Espinosa, director provincial de Fraternidad-Muprespa en Salamanca.
A continuación Daniel Terrón Santos, profesor da Área de Dereito Administrativo da universidade de Salamanca e Alexander Baz Vicente xefe de sección de Dirección do INSS presentaron senllos relatorios onde expuxeron unha visión xeral da Lei 39/2015 e a súa incidencia sobre as mutuas colaboradoras coa Seguridade Social, así como as incidencias sobre a administración da Seguridade Social e os seus administrados.
Para finalizar Manuel López Sacristán, letrado do Centro de Asesoría e Servizos Xurídicos de Fraternidad-Muprespa, comentou as incidencias que supón esta Lei en relación coas mutuas colaboradoras coa Seguridade Social.
Clausurou a xornada Ángel Castilla Corral, presidente do Colexio de Graduados Sociais de Salamanca, agradecendo a todos os presentes a súa asistencia e participación.
"A súa Mutua - Calidade e Servizo, 365 días ao ano"
