SINATURA DO CONVENIO MARCO DE COLABORACIÓN ENTRE ATAM E FRATERNIDAD-MUPRESPA
Fraternidad-Muprespa, Mutua Colaboradora coa Seguridade Social, e a organización ATAM para o Apoio Familiar asinaron hoxe, en Boadilla del Monte (Madrid), un convenio marco de colaboración entre ambas as dúas entidades.
A sinatura do acordo realizárona Ignacio Aizpún Viñes, director xeral e apoderado de ATAM, e Natalia Fernández Laviada, subdirectora de Prevención, Calidade e Comunicación da Mutua.
O obxecto deste convenio é establecer un marco de colaboración coa finalidade de potenciar a experiencia e coñecemento de ambas as dúas organizacións, para a posta en marcha de iniciativas e proxectos de impacto no campo da protección social, así como o coidado e a prevención da saúde.
Ignacio Aizpún puxo de manifesto que estamos nun proceso de virtualización crecente, debido a que a intelixencia artificial (Big Data) vai afectar de xeito transversal ás organizacións. ATAM está a desenvolver un coñecemento profundo da xenómica, a neurociencia e a tecnoloxía, cun método sistemático de análise desta información, que levará a un proceso de aprendizaxe. “Fraternidad-Muprespa e ATAM explorarán xuntos este camiño”.
Natalia Fernández Laviada ofreceu a nosa colaboración co fin de desenvolver unha serie de iniciativas conxuntas aplicadas á prevención de riscos e a saúde laboral.
Fraternidad-Muprespa continúa así a súa aposta pola colaboración con diferentes organismos e entidades.
"A súa Mutua - Calidade e Servizo, 365 días ao ano"
