Osasun -laguntza

osasun-laguntza

Kontingentzia Profesionala

Fraternidad-Muprespa mutualitatean badakigu zer ondorio dituen lan-istripu batek, bai langilearentzat, bai enpresarentzat. Horregatik, gure eginkizuna babestutako langileen osasuna ahalik eta hobekien berrezartzea da.

Hauxe eskaintzen dugu:

  • Laguntzaren arintasuna (24 orduko larrialdiak).
  • Diagnostikoa eta froga osagarriak bizkor egitea.
  • Enpresarekin komunikazio ona izatea, pairatutako istripua behar bezala baloratzeko.
  • Historia kliniko digitalizatua.
  • Osasun laguntza integrala, anbulatoriokoa zein ospitalekoa eta errehabilitaziokoa.
  • Kualifikazio handiko osasun langileek lesioaren tratamendua eta iraupena gainbegiratzea.

Fraternidad-Muprespa mutualitateak istripu horren ondoriozko gastu guztiak (kirurgikoak, farmazia) eta joan-etorriek ordainduko ditu, Mutualitateak aldez aurretik baimena eman badu.

Asistentziaren kalitatea da gure helburu nagusia, beharrezko protokoloak aplikatzen ditugu, kasuak aztertzen ditugu eta jarraipen zehatza egiten dugu pazienteak ahalik eta hoberen sendatzeko.
Gure osasun-azpiegiturak istripua izan duen orori erabateko asistentzia bermatzen dio. Horretarako, geure baliabideak ditugu larrialdietako lehen sendaketa estaltzeko, eta froga diagnostikoak, ebakuntza kirurgikoa, beharrezkoa bada, eta errehabilitazioa ere bai.

Alor bakoitzeko espezialista eta profesional onenak ditugu. Osasun-talde oso kualifikatua dugu, eta oso aditua lan-lesioen eta -istripuen tratamenduan.
Sistema informatiko aurreratu bat dugu, eta, horri esker, diagnostiko-probak gure espezialisten artean parteka ditzakegu, paziente bakoitzarentzat konponbiderik onena aurkitzeko, kokapen geografikoa edozein dela ere. Halaber, itxaron-denborak murrizteko aukera ematen digu, edozein zentro eta unetan historia kliniko digitala eskura baitugu.

Fraternidad-Muprespa mutualitateko pazienteek Historia Kliniko Elektronikoa (HCE) dute, beharrezkoak ez diren azterketa erradiologikoak saihesteko baliagarria, eta, beraz, erradiazio ionizatzaileetara esposizio-denbora murrizteko; gainera, pazienteak berehala bere informazioa kontsultatzeko aukera izango du, Pazientearen Atariaren eta Mi Frater Paciente aplikazioaren bidez.

Kontingentzia arrunta

Mutualitatearekin kontingentzia arruntengatik aldi baterako ezintasunaren prestazio ekonomikoa hautatu duten enpresa elkartuentzat, kontingentzia horren prestazio ekonomikoa eta langileen bajen jarraipena kudeatzen ditugu, pazienteak sendatzen laguntzeko.

Errehabilitazio-laguntza

Medical

Errehabilitazioaren bidez, sendatzea ahalik eta onena eta azkarrena izatea nahi dugu, mediku espezialistaren, fisioterapeutaren eta pazientearen arteko harreman estuaren bidez, azken hori baita guretzat tratamenduaren ardatza.

Fisioterapeutaren jarduera laguntzeko tresnak garatu eta inplementatuta eta etengabeko hobekuntzarako sistema bat ezarrita, hau lortzen dugu:

  • Pazientearen balorazio ahalik objektiboena.
  • Paziente bakoitzarekin modu pertsonalizatuan lan egitea.
  • Pazienteak bere osaketan duen zeregina aktibatzea.
  • Bermea duen errehabilitazioa gimnasiotik kanpo ere egitea.
  • Lineako tratamenduak agintzea eta horien eraginkortasuna ziurtatu ahal izatea, tresna telematiko aurreratuenekin berrikuntzarik handiena eginez.
  • Fisioterapeuten, medikuen eta pazienteen komunikazioa hobetzea.
¿Erabilgarria izan al zaizu eduki hau?
(reset)
¡Mila esker zure botoagatik!

Puntuak: 5