Fraternidad-Muprespa e CAEB Eivisa axudan a previr os prexuízos do ruído no ámbito laboral
Fraternidad-Muprespa realizou o pasado 31 de marzo unha xornada organizada pola Confederación de Asociacións Empresariais de Baleares (CAEB) en Eivisa, co título: “O ruído no ámbito de traballo: Abordaxe integral”.
A presentación da xornada realizouna Joan Bufí, vicepresidente por Eivisa e Formentera de (CAEB), quen agradeceu a colaboración das entidades participantes, así como a asistencia dos alí presentes.
Procedeuse á súa inauguración por parte de Mónica Castillo, técnica de prevención da Dirección Xeral de Traballo, Economía Social e Saúde Laboral do Govern de les Illes Balears, quen puxo de manifesto o alcance que xera a problemática do ruído no ámbito laboral.
O doutor Eugenio Díaz Expósito, coordinador asistencial territorial adxunto da DT Nordés de Fraternidad-Muprespa, deu inicio ao primeiro bloque da xornada coa exposición “A xestión sanitaria da enfermidade profesional en Fraternidad-Muprespa”. Nela describíronse os efectos do ruído sobre os traballadores, as enfermidades profesionais asociadas e as actuacións da Mutua, unha vez que se inicia a sospeita dunha enfermidade profesional.
A continuación, interveu Rafael Reyes Moreno, técnico de prevención de Fraternidad-Muprespa, quen centrou a súa intervención na “Avaliación do risco e medidas de prevención e protección. Casos prácticos: Hostalería, sector de lecer e música, talleres e industria, call centers e outras actividades” , quen desenvolveu a avaliación do ruído dende os puntos de vista ergonómico e hixiénico (detallando os diferentes métodos de medición de ruído) e recalcou a importancia da planificación das medidas preventivas en relación con este axente físico; para rematar, expuxo as devanditas medidas en función de se a actuación se realiza sobre o foco emisor do ruído, o medio de propagación ou sobre o traballador exposto. Tamén mencionou o efecto aditivo dos compostos ototóxicos e o descoñecemento actual ao respecto.
Para finalizar a xornada, abriuse unha quenda de rogos e preguntas, que permitiu aclarar algunhas dúbidas xurdidas durante as exposicións.
