PRESENTACIÓN DA GUÍA DE PRL CON PERSPECTIVA DE XÉNERO

Fraternidad-Muprespa, o Instituto Asturiano da Muller e o Instituto de Prevención de Riscos Laborais presentaron o 15 de novembro o convenio de colaboración que asinarán proximamente,  cuxo obxectivo é elaborar unha “Guía de boas prácticas en prevención de riscos laborais con perspectiva de xénero”.

Almudena Cueto Sánchez, directora xeral do Instituto Asturiano da Muller, Ofelia García Hevia, directora da área de Hixiene Industrial do InstitutoAsturiano de Prevención de Riscos Laborais e Natalia Fernández Laviada, subdirectora xeral de Prevención, Calidade e Comunicación de Mutua Colaboradora coa Seguridade Social, foron as encargadas de expoñer este convenio, que servirá de referente ás empresas asturianas para que dunha forma eminentemente práctica, se establezan as medidas e procedementos mínimos que deben asumir para mellorar a saúde das súas traballadoras.

As tres entidades declararon o seu compromiso coa igualdade así como coa divulgación, educación e sensibilización en prevención dos accidentes de traballo e enfermidades profesionais.

Tamén fixaron como ulterior obxectivo, sempre partindo dende a prevención de riscos laborais, lograr un enfoque integral que englobe a protección e a promoción da saúde, que aborde cuestións relacionadas tanto coa organización laboral, coma cos factores de riscos individuais, incluíndo formación, liderado, conciliación, motivación e desenvolvemento persoal, co fin de conseguir un envellecemento máis saudable das mulleres desta rexión.