BELAUNAREN PATOLOGIARI BURUZKO JARDUNALDIA MÁLAGAN: ARRUNTA VERSUS LANEKOA
Fraternidad-Muprespak, Gizarte Segurantzarekin lan egiten duen mutualitateak, medikuntza-jardunaldi bat antolatu zuen otsailaren 24an Fraternidad-Mupresparen Málagako Zuzendaritza Probintzialean.
Gizarte Segurantzaren Institutu Nazionaleko eta Andaluziako Juntako Osasun eta Gizarte Ongizatearen Kontseilaritzako mediku eta ikuskatzaileak azaldu ziren.
Sonia Medrano Pascualek, Fraternidad-Mupresparen Hegoaldeko zuzendariak, eman zion hasiera ekitaldiari, 30 mediku eta ikuskatzaileri baino gehiagori etorri izana eskertuz. Segidan, Adolfo Mares Santos doktoreak, Fraternidad-Mupresparen Sevillako mediku-buru denak, “Belaunaren patologia: arrunta versus lanekoa” izeneko hitzaldi interesgarria eman zuen.
Mares doktoreak azalpen bikaina egin zuen, eta hauen garrantzia nabarmendu:
- Belaunaren menisko eta lotailuen lesio ezberdin eta posibleen ekoizpen-mekanismoa aztertzea.
- Belaunean espero litezkeen lesio-zonak eta motak ezartzea, pazienteak adierazitako lesio-mekanismoaren arabera.
- Anamnesian, aurkikuntza klinikoetan eta froga osagarrien emaitzetan oinarrituz, jatorri traumatikoa eta endekapen-jatorria duten lesioak ezberdintzen ikastea.
Jardunaldian egon ziren, halaber, Santiago Cabuchola Moreno, UMEVI-GSINeko mediku-burua, eta Antonio del Corral García, Andaluziako Juntako Berdintasun, Osasun eta Gizarte Politiken Ordezkaritzako Málagako UMVIko koordinatzaile probintziala.
Bukatzeko, José Manuel Crespo Figuerolak, Fraternidad-Mupresparen Málagako zuzendari probintzialak, eman zion amaiera jardunaldiari eta eskerrak eman zizkien bertaratutakoei, jardunaldiaren gaiarekiko eta laneko patologiari buruzko ondorengo eztabaidarekiko agertutako interesagatik.
