EKINTZAILEAREN ATARIAREN AURKEZPEN ARRAKASTATSUA GUADALAJARAN
Azaroaren 23an, Gizarte Segurantzako Mutualitate Laguntzaile Fraternidad-Muprespak "Mutualitateen eginkizuna ekintzailetzan: ekintzaileentzako Fraternidad-Mupresparen atari berriaren aurkezpena" izeneko jardunaldia egin zuen Guadalajaran.
Guadalajarako CEOE-CEPYMEko idazkari nagusi Javier Arriola Pereirak eman zion hasiera jardunaldiari, zeina abaguneaz baliatu baitzen bertaratutakoek ekitaldiari eginiko harrera ona eskertzeko. Ondoren, hizlarien txanda izan zen.
Guadalajarako Udaleko alkateorde Luis Carnicero de la Cámarak pozik parte hartu zuen ekintzailetzari buruzko jardunaldian, eta aipatu zuen “ekintzaile izatea bizi-filosofia dela. Enpresa-sareak eta ekintzaile kopuruak bereizten du Guadalajara”. Orobat, udalak ekintzailetza sustatzeko aurreikusi dituen ekintzen berri eman zien entzuleei.
AMFARen presidente nazional Lola Merino Chacónek azpimarratu zuen “emakumeen %54 landa-eremuan hasten direla ekintzailetzan; izan ere, 370.000 emakume bihurtu dira ekintzaile krisialdian”. “Gaur egun, prestakuntza hobea dute emakumeek”.
Fraternidad-Mupresparen Prebentzio, Kalitate eta Komunikazioko zuzendariorde Natalia Fernández Laviadak mutualitatearen atari berriari buruz hitz egin zuen, bai eta adierazi ere “lagungarri izango zaiela enpresa-proiektu bati ekin nahi dioten guztientzat”.
Gure webgune korporatiboko Ekintzailearen atariak bost atal ditu: Ekin, Gizarte Segurantza eta mutualitatea, Laguntza ekonomikoak, Prebentzioa eta Gaurkotasuna.
Hego Mesetako eskualde-zuzendari Eduardo Sanz Murillok eman zuen amaitutzat jardunaldia. Parte hartu izana eskertu zien hizlariei zein bertaratutakoei, Fraternidad-Muprespa mutualitatearen atari berria autonomoei eta enpresariei lagungarri suertatuko zaielakoan.
