FAKTORE PSIKOSOZIALEI ETA ESTRESARI BURUZKO TAILERRA MURTZIAN
Gizarte Segurantzako Mutualitate Laguntzaile Fraternidad-Muprespak faktore psikosozialei eta estresari buruzko tailer batean parte hartu du, Murtziako Eskola Katolikoen hezkuntza-sektoreko prestakuntza-programan.
Fraternidad-Mupresparen Murtziako probintzia-zuzendari Alejandro López-Briones Pérez-Pedrerok aurkeztu du gaia, eta egokiera aprobetxatu du bertaratutako guztiei etorri izana eskertzeko.
Ondoren, Mutualitatearen Murtziako prebentzio-teknikari Jesús López Pérezek hitzaldi interesgarria eman du gai hauei buruz: lan-arloan eragina duten faktore psikosozialak, horien ondorio txarrak langilearen osasunerako, estresa eragiten duten faktoreak eta arriskuon ebaluazio-metodoak.
Hezkuntza-taldea bereziki sentibera da faktore psikosozialekiko eta estresarekiko, beren lan-jarduera garatzen den ingurunea dela eta; horregatik, hezkuntzako profesional ugarik parte hartu dute jardunaldian.
