Fraternidad-Muprespak eta FOESek prestazio bereziei buruzko jardunaldia egin dute Sorian

Joan den maiatzaren 8an, Gizarte Segurantzako Mutualitate Laguntzaile Fraternidad-Muprespak prestazio bereziei eta Gizarte Segurantzarekin lankidetzan diharduten mutualitateen gizarte-laguntzari buruzko informazio-jardunaldia antolatu zuen Federación de Organizaciones Empresariales Sorianas (FOES) federakuntzarekin elkarlanean.

Fraternidad-Mupresparen Soriako zuzendari probintzial Carmen Rubio Valerok eman zion hasiera jardunaldiari, eta abaguneaz baliatu zen bertaratutakoei azaldu izana eskertzeko; bestalde, jardunaldiaren gaia aurkeztu zuen, baita azpimarratu ere “prestazio bereziak laguntza ekonomikoak direla, itzuli behar ez direnak, Gizarte Segurantzak lan istripuren bat edo lanbide gaixotasunen bat jasan duten eta, inguruabar pertsonal, ekonomiko edo familiarrak tarteko, premia handiagoa duten langileentzat dituen arauzko prestazioak osatzera bideratutakoak”.

Ondoren, Fraternidad-Mupresparen ipar-mendebaldeko lurralde-zuzendaritzako gizarte-langile Verónica Cordero Fernándezek Gizarte Segurantzarekin lan egiten duten mutualitateek kudeatzen dituzten laguntza ekonomikoak aipatu ditu, Mutualitateen Legeak xedatutako lege-esparruko babesaren zati baitira, eta zehaztu ere egin du “prestazio berezien emakida Prestazio Berezien Batzordearen ardura dela, hots, enpresarien ordezkariek eta langileen ordezkariek hein berean osatutako taldea, ukitutako pertsonen eskaerak jaso, aztertu, ebaluatu eta onartu ala ezeztatu erabakitzen duena”.

Azkenik, FOESeko teknikari-aholkulari Judit Borobiok eman zuen amaitutzat jardunaldia, bertaratutako guztiei etorri izana eskertuz.