Fraternidad-Muprespako profesionalek ISAKOS 2017 Kongresuaren posterra aurkeztu
Juan Pablo Aguado, Alberto Caballero eta Virginia García-Reyes doktoreek poster honen aurkezpena egin zuten ISAKOS 2017 11. Kongresu Bienalean - Artroskopiaren, Belauneko Kirurgia Ortopedikoaren eta Kirol Medikuntzaren Nazioarteko Sozietatea (Sociedad Internacional de Artroscopia, Cirugía Ortopédica de la rodilla y Medicina Deportiva): “Bularreko muskulu handiko tendoiaren hausturaren konponketa atzeratua, muskulu semitendinosoaren autotrasplantea eta gorputzak berak absorba dezakeen torloju interferentziala erabiliz”. Txinako Shanghai hirian egin zen ekainaren 3tik 8ra, eta bertan izan zen Juan Pablo Aguado doktorea.
ISAKOS kongresua 2 urtean behin egiten da. Oraindik ere nazioarteko bilerarik entzutetsuena da, bertaratzen diren pertsonei aukera paregabea eskaintzen baitie artroskopiaren, belauneko kirurgia ortopedikoaren eta kirol medikuntzaren inguruan ezagutzak partekatzeko, eztabaidatzeko eta azken aurrerapenak ezagutzeko.
Bilerak hainbat komunikazio, zuzenean eta teknikarik berrienekin zein jada ezagunak direnekin egiten diren erakustaldi kirurgikoak, adituen eztabaidarako guneak, ikastaro monografikoak eta jarduera klinikoarekin zerikusia duten beste jarduera eta ikuspuntu asko bildu zituen, gaur egun kirurgia ortopedikoan dauden eztabaida nagusien ikuspegi orokorrarekin konbinatuta.
Kongresu honetan 800 poster onartu ziren, guztiak ere formatu elektronikoan, mundu osoko txokoetatik aurkeztutako 10.000 baino abstract gehiagoren artean. 100 herrialde baino gehiagotik etorritako 4.500 medikuk parte hartu zuten, eta horrek gutxi gorabehera kongresuaren garrantzia islatzen du.
Kongresuan, gure profesionalek kasu zehatz bat aurkeztu zuten: bularreko muskulu handiko tendoiaren erabateko abultsio humerala zuen pazientearena, lesioa gertatu eta bi urte igaro ondoren sendatutakoa kirurgiaren bitartez. Muskulu semitendinosoaren autotrasplantea erabili behar izan zen, hezurreraino hel zedin, eta gorputzak berak absorba ditzakeen torloju interferentzialak erabili ziren eusteko. Emaitza bikaina lortu zen, bai ikuspegi estetikotik bai funtzionaletik.
Bularreko muskulu handiko tendoiaren hausturaren tratamendu kirurgikoa burutu ostean ateratako ondorioen arabera, denek gomendatzen dute, batez ere kirolarientzako eta gorputzaren goiko zatiarekin indarra egitea eskatzen duten lana egiten duten pertsonentzako. Zuzenean hezurra konpondu ezin den haustura kronikoen kasuan, tendoia ordezkatu edo handitu behar da.