Ikuskizun publikoetako artisten lan harremanari buruzko prestakuntza jardunaldia
Fraternidad-Muprespa Gizarte Segurantzaren 275. Mutualitate Laguntzaileak maiatzaren 23an Santa Cruz Tenerifekoan ikuskizun publikoetako artisten lan harremana arautzen duen abuztuaren 1eko 1435/1985 Errege Dekretuari buruzko jardunaldi bat antolatu zuen.
Mercedes Morales Alonso Santa Cruz Tenerifeko Gizarte Graduatuen Eskolako zuzendariordeak eman zion ekitaldiari hasiera bertaratutako guztiei eskerrak emanez, eta ondoren, jardunaldiaren helburuak azaldu zituen.
Jarraian, Miguel García Martínez Gizarte Segurantzaren Diruzaintza Orokorraren 1. Administrazioko zuzendariak mintzaldi bat eskaini zuen, eta bertan, artisten erregimenaren sailkapena, hauen kotizazioa eta erregularizazioaren kalkulua aztertu zituen.
Hitzaldian zehar, bertaratutako askok hartu zuten parte gaiari buruzko zalantzak mahaigaineratuz.
Azkenik, Fraternidad-Muprespak Gizarte Graduatuen Eskolarekin batera aurrera eraman duen lana azpimarratuta eman zitzaion jardunaldiari amaiera, eta hurrengo urtean zehar antolatuko diren ekintzetan parte hartzera animatu zituzten bertaratutako guztiak.
Horrez gain, Gizarte Segurantzaren Diruzaintza Orokorrari eta Santa Cruz Tenerifekoaren Gizarte Graduatuen Eskolari bertaratu, parte hartu eta lagundu izana eskertu zieten.
