Prebentzioari buruzko jardunaldia Málagako El Monte ikastetxean
Apirilaren 27an, Prebentzioaren II. Astea zela eta, Fraternidad-Muprespa Gizarte Segurantzako Mutualitate Laguntzaileak prebentzioari eta lehen sorospenei buruzko dibulgaziozko jardunaldi bat antolatu zuen, prebentzioaren kultura eskolara helarazteko xedez, Santo Domingo Heziketa Fundazioko Malagako Sagrada Familia El Monte ikastetxean. 120 ikasle baino gehiagok hartu zuten parte ekitaldian.
Cristina Rivera Hernández eta Andrés Ruiz Martínez Ordezkaritzako zuzendariek bertaratutakoei parte-hartzea eskertu zieten eta prebentzioaren kultura heziketa sisteman ezartzeak duen garrantzia azpimarratu zuten, irakasle eta ikasleei prebentzioak adin goiztiarrean hasi behar duela gogoraraziz.
Jarraian, José Luis Haro Alcázar Fraternidad-Muprespako prebentzio teknikariak mintzaldi interesgarria eskaini zuen, prebentzioak eskolan duen garrantzia azpimarratuz. Oso esku-hartze dinamikoa izan zen, laneko arriskuak identifikatzeko hainbat bideo praktiko jarri zituen eta.
Ondoren, Angélica Cañas Barranco doktoreak parte-hartzaileen aburuz oso interesgarria izan zen lehen sorospenei buruzko ikastaro bat eman zuen, ikasleen laguntzaz bihotz-biriketako bizkortzearen praktika gauzatuz.
Jardunaldiak oso harrera ona izan zuen ikasle zein irakasleen artean, eta gaiari buruz egindako hezkuntza-lana eskertu zuten.
