FRATERNIDAD-MUPRESPA PARTICIPA NA XORNADA DE COMISIÓNS OBREIRAS SOBRE SAÚDE EN ÁVILA

A Mutua Colaboradora coa Seguridade Social Fraternidad-Muprespa participou o día 29 de setembro de 2016 nunha xornada que realizou o sindicato CC.OO. en Ávila, sobre a “Vixilancia da saúde e acción sindical”.

A esta asistiron delegadas/os sindicais de diferentes empresas da provincia de Ávila.

A presentación da xornada correu a cargo de D. Óscar García Barroso, secretario xeral de U.S. CC.OO. Ávila. Posteriormente interviñeron Dª Elena Zazo Cano e Dª María Ordóñez Suárez, técnicas en Prevención de Riscos Laborais de CC.OO., as cales trataron o papel dos delegados/as de prevención na vixilancia da saúde.

Tamén interveu D. Mariano Sanz Lubeiro, secretario de Saúde Laboral de CC.OO. e Dª Beatriz Rubio Campos, técnica en Drogodependencia de CC.OO.

A continuación realizou unha exposición D. Antonio de Cos Blanco, director do departamento do Servizo de Prevención Propio de Fraternidad-Muprespa, que tratou sobre a vixilancia da saúde e os protocolos e suscitou diversas preguntas entre os delegados/as alí presentes, acerca do tema tratado na súa intervención.

Por último, houbo unha mesa redonda na que participaron Dª Teresa Terciado Valls, xefa da USSL da Xunta de Castela e León en Ávila, D. Miguel Ángel Arroyo Fernández, inspector de traballo da Seguridade Social en Ávila, e que foi moderada por D. Óscar García Barroso, onde se xerou un interesante debate entre os asistentes.

Ao termo da xornada, os responsables de CC.OO. agradeceron a nosa presenza e intervención na xornada.