Fraternidad-Muprespa “Emakume gehiago. Enpresa hobeak” hitzarmenari atxiki zaio
Gizarte Segurantzako Mutualitate Laguntzaile Fraternidad-Muprespak “Emakume gehiago. Enpresa hobeak” lankidetza-hitzarmena sinatu du Osasun, Gizarte Zerbitzu eta Berdintasun Ministerioarekin, emakumeen lanbide-sustapena bultzatzeko eta enpresetan erantzukizun handiko lanpostuak bete ditzaten emakumeek.
Emakumearen eta Aukera Berdintasunerako Institutuak kudeatzen du honako hitzarmen hau, mutualitatearen eta Osasun, Gizarte Zerbitzu eta Berdintasun Ministerioaren arteko lankidetza-esparrua ezartzea helburu duena, emakumeek eta gizonek erantzukizun handiko lanpostuetan modu orekatuan parte har dezaten, baita zuzendaritza-batzordeetan ere. Lau urteko epean burutuko da.
Atxikimendu-ekitaldian izan dira Gizarte Zerbitzu eta Berdintasunerako Estatuko idazkari Mario Garcés eta Emakumearen eta Aukera Berdintasunerako Institutuko zuzendari Lucía Cerón.
Aukeratze-prozesuak, lanbide-sustapena eta barne-prestakuntza ardatz dituzten neurriak jorratzen dira hitzarmenean, zuzentasunez jokatzeko eta emakumeen eta gizonen parte-hartzea orekatuagoa izan dadin bertan.
Estatuko idazkariak eta Emakumearen eta Aukera Berdintasunerako Institutuko zuzendariak enpresaren diploma eman diote erakundearen zuzendari kudeatzaile Carlos Arandari.
Ondoren, Carlos Arandak eta Giza Baliabideen eta Erantzukizun Sozial Korporatiboaren zentroko zuzendari Manuel Porruak Fraternidad-Mupresparen HeforShe kanpainarekiko atxikimendua berretsi dute. NBE Emakumeak erakundeak sustatzen du aipatu ekimena, eta gizonek zein haurrek erabateko berdintasuna erdiestea eragozten duten gizarte- eta kultura-oztopoak ezabatzen laguntzea du helburu.
