FRATERNIDAD-MUPRESPA-K LANGILE AUTONOMOEI BURUZKO JARDUNALDIA ANTOLATU DU PINTON

Fraternidad-Muprespa-ren Pintoko Ordezkaritzako zuzendariak, Juan Morales Feliz jaunak, ireki du ekitaldia eta bertaratutako guztiei eskerrak eman dizkie eta hizlaria, jardunaldiaren helburuak eta berezitasunak aurkeztu ditu.

Jarraian, Fraternidad-Mupresparen Madrilgo probintzia zuzendariak, Francisco Barroso Jadraque jaunak, hitzaldi interesgarria eman du. Bertan, langile autonomoari eragiten dion legeriaren esparruan egindako aldaketa garrantzitsuenak azaldu ditu, legeriaren bilakaera eta legea interpretatzean eta aplikatzean kontuan izan beharreko xehetasunak argituz, aldaketen irismena eta kolektibo horretan dituzten ondorioak argitzearekin batera.

Hitzaldia bukatzean solasaldi interesgarria hasi da, eta bertan erregimen konplexu horren kotizazioaren eta estalduraren berezitasunak nabarmendu dira.

Juan Morales Feliz jaunak berriro hartu du hitza jardunaldiari amaiera emateko. Hark adierazi du Fraternidad-Muprespa-k badakiela zeinen garrantzitsua den langile autonomoen giza taldea.