Fraternidad-Muprespa mutualitateak Prebentziorako V. Astea ospatuko du

Fraternidad-Muprespa mutualitateak prebentzioaren bosgarren astea ospatuko du 2020ko apirilaren 28aren inguruan, Laneko Segurtasunaren eta Osasunaren Mundu Egunean.

COVID-19 pandemia dela-eta bizitzen ari garen une honetan, Lanaren Nazioarteko Erakundeak eta guk, Gizarte Segurantzarekin elkarlanean diharduen mutualitate garen aldetik, jende guztiari eta batez ere langileei lagundu nahi diegu beharrezko prebentzio-neurri guztiak ezagutzen. Aurten, LANEren leloa hau da: “Geldiaraz dezagun pandemia: laneko segurtasunak eta osasunak biziak salba ditzake”.

Fraternidad-Muprespa mutualitateko prebentzioaren bosgarren asteak lema hau du: “Laneko segurtasuna eta osasuna inoiz baino gehiago: Lehenik eta behin zugandik eta zure lagun guztiengatik”. Langileen eta haien ingurukoen segurtasuna azpimarratuko dugu.

Lanean seguruago izaten lagunduko dizuten hainbat produktu aurkezten dizkizugu. Besteak beste, Previene prebentziorako berariazko atariko COVID-19 eduki bereziak; lanean hasteko ezinbestekoak diren hamar urratseko infografia; telelanari aurre egiteko aholkuak; eta eguneroko bideo motz batzuk, gaurkotasun osoko gaiak jorratzen dituztenak.

Gure osasun-ibilbidea mantentzen jarraitzen dugu, “Ongizaterantz ibilia” eta “Prebentziorako online ikasgela”, hainbat gaitako ikastaroekin, konfinamendu-garai honetan egin daitezkeenak.

Aurten, prebentzioaren bosgarren astea beste modu batean ospatu behar dugu, modu birtualean, baina jakinarazi nahi dizugu mutualitatea laguntzeko, kudeatzeko eta prebenitzeko eskuragarri duzula, istripu gutxiago izan ditzagun, segurtasuna baita beti lehena.

Datorren urtean ere “laneko arriskuen prebentzioa kalera aterako dugu”.