Fraternidad-Mupresparen prestazio berezien gaineko jardunaldia Plasencian
Maiatzaren 18an, Gizarte Segurantzako Mutualitate Laguntzaile Fraternidad-Muprespak ekitaldi bat antolatu zuen Plasenciako ordezkaritzan. Ekitaldia eskualde horretako aholkulariei zuzenduta egon zen, eta hauxe izan zen gaia: "Fraternidad-Mupresparen prestazio berezien kudeaketa".
Mutualitatearen Plasenciako ordezkaritzako zuzendari Narciso Cano Conejerok ireki zuen ekitaldia. Bertaratutako profesionalei eskerrak eman ondoren, hitza eman zion Cáceresko zuzendaritza probintzialeko aholkulari tekniko Jesús Velasco Garcíari. Azken horrek, Mutualitateen Legea indarrean sartu zenetik sektorean dagoen egoerari buruzko aurkezpena egin zuen.
Jarraian, Plasenciako ordezkaritzako zuzendariak hartu zuen hitza, Fraternidad-Mupresparen prestazio berezien kudeaketari buruzko aurkezpena egiteko.
Bukatzean, galderak egiteko txanda bat ireki eta bertaratutakoek gogotsu parte hartu zuten, prestazio berezi horien kudeaketan parte hartzeko duten interesa erakutsiz. Gai sozialak nabarmendu ziren, behar ekonomiko gehien dituzten langileen kolektiboei zuzenduta baitaude.
Narciso Cano Conejerok eman zion amaiera ekitaldiari. Bertaratutakoei berriro eskerrak emateaz gain, Fraternidad-Muprespak honelako ekitaldiak antolatzeko eta babesteko duen erabateko gogoa transmititu zuen, mutualitateak kudeatzen dituen gaiei lotuak, eta parte-hartzaileak animatu zituen haientzako interesgarriak diren gai guztiak proposatzeko.
