LAN-ARRISKUEN PREBENTZIOA ETA ELIKADURA-SEGURTASUNA

Gizarte Segurantzako Mutualitate Laguntzaile Fraternidad-Muprespa elkarlanean aritu da Almeríako Ostalaritzako Enpresarien Probintziako Elkartearekin (ASHAL) astebete iraun duten lan-arriskuen prebentzioari eta elikadura-segurtasunari buruzko jardunaldietan. Almeríako hiriburuko ostalaritza-establezimendu ezberdinetako langileei zuzenduta zeuden jardunaldiok.

ASHALko zuzendari Isabel Juanek aurkeztu du ekitaldia, eta proiektuan parte hartu izana eskertu dio Fraternidad-Muprespari. Bestalde, “sektore horretako langileei prestakuntza osoa ematearen” garrantzia azpimarratu du, eta nabarmendu du nahitaezkoa dela sukaldeetan eta antzeko guneetan segurtasun-arauak zorrotz betetzea.

Mutualitateko Prebentzioko eta Osasunaren Kultura Garatzeko Saileko teknikari Alfonso Gerez Mirasek hitzaldi interesgarria eman du; bertan, ikasleekin mintzatu da, eta sukaldeko laguntzailearen lanpostuaren arrisku nagusiak azaldu dizkie, baita aplikatzekoak diren prebentzio-neurriak ere.

Amaitzeko, jardunaldien balorazio ona egin dute ikasleek; izan ere, interes handia erakutsi dute lanpostuko segurtasun eta osasunean.

Bihotzez eskertzen diogu ASHALi gure erakundea aintzat hartu izana jardunaldi hauek ospatzeko. Beren esanetara egongo gara aurrerantzean egiten diren ekitaldietarako.