OSASUN ERAIKUNTZARI BURUZKO EZTABAIDA HANDIA

Fraternidad-Muprespak, Gizarte Segurantzaren Mutualitate Laguntzaileak, urriaren 5ean  hartu zuen parte Madrilen Grupo Víak antolatutako “Osasun eraikuntza eta kudeaketari buruzko eztabaida handian”.

Pedro Serrera Cobos Jaunak, Fraternidad-Mupresparen Informazio Sistemen eta Zerbitzuen zuzendariorde nagusiak, "Paseo de la Habanako Ospitalearen LEED Ziurtapena" izeneko hitzaldia eman zuen.

Hitzaldian, LEED eredua deskribatu zuen (Leadership in Energy and Environmental Design). Horrek, diseinuaren eta eraikinen bikaintasuna ingurumenaren eta energia eraginkortasunaren ikuspuntutik aitortzen du. Fraternidad-Muprespak Madrilen eraikitzen ari diren Ospitalea ziurtatzeko eta gure herrialdeko ospitaleen mailako LEED erreferentzia gorena bilakatzeko asmoa du.

Horrez gain, Fraternidad-Muprespak Ospitalea arreta, informazio eta ekipamenduari dagokionez berritzailea izateko xedea du; irisgarria, horretarako DIGA ereduarekin lanean dihardute (Irisgarritasun Mailaren Adierazlearen Bereizgarria); segurua pazienteentzat, laguntzaileentzat eta alor guztietako profesionalentzat; funtzionala zerbitzuen diseinuagatik; modernoa, informazio-teknologien eta komunikazioen erabilera intentsiboarekin, baita zerbitzuak eskaintzean ere; eta ziurtatua kudeaketa-sistema ezberdinetan eta, nola ez, LEED ereduan.

Jardunaldira beste profesional batzuk ere bertaratu ziren, bai kudeaketa alorrekoak, bai eraikuntza alorrekoak ere, eta hainbat arkitektura-estudio aurkeztu ziren. Eztabaida bizi bat sortu zen bukaeran.