Prebentzioaren II. asteko ekintzak Almerían
“ Prebentzioaren II. Asteko” ekintzen barruan, hil honen 24an eta 25ean, “Ikasgeletako prebentzioa” izenburupean bi jardunaldi gauzatu ziren Almeríako zuzendaritza probintzialean. Gai berak landu ziren bi saio hauetan.
Matilde Gongora Martínez Fraternidad-Mupresparen Almeríako zuzendari probintzialak aurkeztu zuen ekitaldia, ikastetxeei gure zentrora hurbildu izana eskertuz eta ikasleei adin goiztiarretik segurtasunari eta prebentzioari buruz kontzientziatzearen garrantzia azpimarratuz.
Alfonso Gerez Miras Fraternidad-Muprespako Prebentzio teknikariak azaldu zuen saioaren lehenengo zatia, ikastetxeetako arriskuei buruzkoa, hain zuzen ere. Ikasleekin solasean aritu ondoren, arriskuei eta ikastetxeko arriskuen seinaleztapenari buruzko galderak egin zizkien.
Bestalde, lehenengo zati honetan, gure Mutualitatean praktikak burutzen ari den Almeríako Unibertsitateko Lan Arriskuen Prebentzioa Masterreko ikasle batek ere parte hartu zuen.
Ondoren, Ginés Grimak hitzaldi bat eskaini zuen. 2006. urtean langile gisa istripu larri bat izan zuen eta horren ondorioz, eskuineko besoa ebaki behar izan zioten. Esperientzia traumatiko hori azaldu zien ikasleei eta gaztetik prebentzioaren garrantzia ulertzea eta hau ezartzearen garrantzia nabarmendu zuen. Haren istripuaz geroztik, edozein ekintza mota burutu ahal izateko hobetzeko gaitasuna izan zuen, eta medikuek ezinezkoa zela uste bazuten ere, berriz ere kirola egin ahal izan zuela azaldu zien.
Horren ostean, ikasleek Ginés Grimari galderak egiteko aukera izan zuten eta honek zintzotasun osoz erantzun zituen guztiak. Gainera, gaur egun eskuineko besoan daraman eta Fraternidad-Muprespako medikuek jarri zioten protesi bionikoa erakutsi zien.
Amaitzeko, Mª Angeles Abad Fraternidad-Mupresparen Almeríako mediku-zerbitzuaren arduradunak hitzaldiaren azken zatian lehen sorospenei buruzko oinarrizko ezagutzak izatea zein garrantzitsua den azaldu zien ikasleei, eta panpina bat erabiliz, bihotz-biriketako bizkortze ariketa praktikoak gauzatu zituen.
Apirilaren 24an Stella Maris ikastetxeko lehen hezkuntzako 6. maila izan genuen gurean eta ikastaro-aretoaren 100 eserlekuak bete zituzten. Parte-hartze oso aktiboa izan zen.
Hurrengo egunean, Arcángel y Fátima ikastetxeko lehen hezkuntzako 5. eta 6. mailako ikasleak izan genituen, eta talde horrek ere erabateko jakin-mina azaldu zuen. Jardunaldian parte hartu zuen lau hizlariei jakingura hori transmititu zien.
Fraternidad-Muprespak bi ikastetxeei bihotzez eskertu nahi die parte hartu izana eta haien ikasleekin lan egiteko aukera eskaini izana. Ikasle zein irakasleei oso ekitaldi interesgarria iruditu zitzaien, batez ere, ikasleak gaztetatik prestatzeko eta belaunaldi prestatuagoak sortzeko era berri gisa ikusi zutelako.
