FRATERNIDAD-MUPRESPA PARTICIPA NO XVI CONGRESO DA SOCIEDADE ESPAÑOLA DE TRAUMATOLOXÍA LABORAL

A Sociedade Española de Traumatoloxía Laboral (SETLA) ten como fins “agrupar a todos os especialistas en cirurxía ortopédica e traumatoloxía, interesados na investigación, docencia e asistencia da traumatoloxía laboral” e “acoller todas aquelas persoas que demostren o seu interese cos fins da Sociedade Española de Traumatoloxía Laboral”. Con estes propósitos, organizouse os pasados 24 e 25 de novembro en San Sebastián o XVI Congreso Nacional da Sociedade, con grande éxito de participación.

As achegas dos profesionais de Fraternidad-Muprespa foron numerosas e moi enriquecedoras. Destacamos o relatorio do noso compañeiro, coordinador territorial asistencial adxunto da DT Norte, Armando Segurado García, Cirurxía do LCA. Onde estamos?, que participou na primeira das tres mesas oficiais programadas do congreso Últimos avances aplicados á traumatoloxía laboral (impresións 3D, realidade virtual...). A segunda mesa oficial ocupouse do complexo asunto A pericial en traumatoloxía laboral e a terceira mesa tratou sobre Inestabilidade do cóbado, que suscitaron grande interese entre todos os asistentes. 

Salienta igualmente a intervención da nosa compañeira DUE de San Sebastián, Olatz González Gonzalo, na mesa de enfermaría Actualización no tratamento de feridas e queimaduras, co relatorio Últimos avances do tratamento de queimaduras, que conseguiu captar a atención dos participantes e oíntes.

O propio formato do congreso permite que se xere, nas diversas mesas de médicos asistenciais, fisioterapeutas e DUE,  un intercambio de coñecementos e experiencias sobre temas de grande interese clínico, como a enfermaría profesional e a súa evolución, a interpretación radiográfica e de RNM, lesións oculares, tratamento de feridas e recuperación de rixideces en extremidade superior, etc.

Relacionamos e destacamos as seguintes participacións e achegas dos nosos compañeiros, no apartado de comunicacións orais,  asistentes ao congreso:

• Degradación da cartilaxe articular por sobreúso ou envellecemento. Manexo terapéutico De María del Carmen Pérez, José Manuel Domínguez Ramos, Salvador Bermudo Parra e Alfonso González Díaz.

• Resultados a curto e longo prazo do tratamento da HDL por microdiscectomía en poboación laboral. De Miguel Ortega de Santiago, Eduardo Hevia Sierra, Alberto Caballero García, Dolores Pilar Garrido Pozo e Andrea Paniagua González.
• Análise da incapacidade temporal en patoloxía cervical. De Ana Belén Collado García, Inmaculada Rodríguez Díaz e Mª Victoria Serrano Samperio.
• “Corpos libres articulares secundarios a fractura de escafoides na infancia”. De Miguel Ortega De Santiago, Virginia García-Reyes Chozas, Alfredo Espiniella Tendero, Andrea Paniagua González e Dolores Pilar Garrido Pozo.
• Dor crónica tras fractura de pulso. Sospeita de síndrome dolorosa rexional complexa. De Francisca Benito Palma, María Ángeles Merina Muñoz e Juan Luis Vázquez Morales.
• Opcións cirúrxicas ao pé catastrófico. A propósito dun caso. De Mª Victoria Serrano Samperio e Jesús Manuel Gallardo Moreno en colaboración co Hospital Intermutual de Levante.
• Tratamento con ondas de choque a dous pacientes con fracaso de epitelización. De Aitor Luzuriaga Martínez e Laura Valtueña Príncipe.

Cómpre salientar que o xefe de sección do servizo de traumatoloxía do Hospital Madre de Dios de Fraternidad-Muprespa, Diego García Muela, presidiu a mesa de Defensa Posters Enfermaría e o traumatólogo (Unidade de Columna) e Eduardo Hevia Sierra moderou a mesa Defensa Posters Médicos.

Os posters presentados polos nosos profesionais foron os seguintes:

• Curación con comunicación. A comunicación asertiva acelera a curación do paciente, de Estefanía Aroca Rodríguez.
• Tratamento de feridas con magnetoterapia, de Concepción Estudillos Prieto, Guillermina Reig Fernández e Mª. Auxiliadora Díaz Trigos.
• Fisioterapia na síndrome dolorosa rexional complexa” e Síndrome de dor rexional complexa en patoloxía laboral: causa ou predisposición, ambos os dous de Mª Ángeles Merina Muñoz, Francisca Benito Palma e Juan Luis Vazquez Morales.

• Tratamento con ondas de choque a dous pacientes con fracaso de epitelización. De Aitor Luzuriaga Martínez e Laura Valtueña Príncipe.

Fraternidad-Muprespa segue fomentando e compartindo o coñecemento dos seus profesionais.

"A súa Mutua - Calidade e Servizo, 365 días ao ano"