Fraternidad-Muprespa xunto a INVASSAT realizan unha xornada en Orihuela
O pasado 6 de abril, a Mutua Colaboradora coa Seguridade Social Fraternidad-Muprespa, en colaboración co Instituto Valenciano de Seguridade e Saúde no Traballo (INVASSAT), realizou unha xornada nas instalacións da Consellería de Sanidade de Orihuela sobre o “Plan de actuación do INVASSAT contra a sinistralidade en 2017 e importancia do Delt@”.
A presentación do acto foi realizada por José Gabriel Cano Montoro, director do centro de Saúde Pública de Orihuela e Asunción Lozano Gonzálvez, directora da delegación de Fraternidad-Muprespa en Orihuela, quen agradeceu a todos os presentes a súa asistencia e pasou a presentar os relatores.
En primeiro lugar, interveu Mª José Caballero Zamora, directora do centro territorial do INVASSAT de Alacant, quen procedeu a analizar as causas da sinistralidade laboral da Comunidade Valenciana e presentou os contidos da sesión.
Despois, Mariano Naharro Alarcón, xefe de Sección de Plans de Actuación do Centro Territorial do INVASSAT de Alacant, analizou e expuxo o parte de accidente Delt@, os seus actores, funcións, responsabilidades e incidencias, e realizou unha presentación baseada na análise das causas de sinistralidade laboral na Comunidade Valenciana, novidades do plan de actuación 2017 do INVASSAT, a información respecto ao contido e descarga telemática do informe de sinistralidade, así como os criterios de actuación e análise da plataforma e-INVASSAT.
Posteriormente, Margarita Martínez Gómez, técnica de Prevención da Mutua, realizou unha interesante exposición sobre as actuacións dos técnicos de prevención da Entidade.
Para finalizar, a xornada foi clausurada por Víctor Saz Sánchez, director provincial de Fraternidad-Muprespa en Alacant, quen aproveitou para agradecer a confianza depositada na nosa Entidade a todos os asistentes e deu as grazas ás persoas que interviñeron nesta xornada. A continuación, deu paso a José Rodríguez Pardo, vicepresidente do Colexio Oficial de Graduados Sociais de Alacant, quen insistiu tanto na importancia de realizar este tipo de xornadas, coma na consecución do obxectivo principal destas: conseguir mellorar os índices de sinistralidade laboral.