Fraternidad-Muprespa mutualitateak Lanzaroteko Txarter 100 elkarteak antolatutako jardunaldian parte hartu du

Urtarrilaren 17an, ostirala, Fraternidad-Muprespa mutualitateak Lanzaroteko Prestakuntza Zentroan (ESACAN) egindako jardunaldi batean parte hartu zuen, Emakume Profesionalen, Ekintzaileen eta Enpresarien Txarter 100 Lanzarote elkarteak antolatuta: «Emakumea eta Lan Osasuna. Aniztasuna, Ekitatea eta Berdintasuna».

Hitzaldia txarterrak prestatzen duen batzordeetako baten lanaren emaitza izan zen, zehazki, Berrikuntza, Prestakuntza eta Bikaintasun Batzordeak antolatuta, eta Natasha Meah, Usoa Ibarra, Elena González, Ana Oncina eta Gloria Artilesen bultzada izan zuen. Helburua izan zen emakumeak egungo gizartean duen eredua eztabaidatzea eta lantzea, eta hainbat gai jorratu zituzten, hala nola lan-arriskuen prebentzioa genero-ikuspegitik eta gure gizarteak beharrezkoak dituen kontziliazio-, ekitate- eta berdintasun-neurriak.

Fraternidad-Muprespa mutualitateko Prebentzio, Kalitate eta Komunikazioko zuzendariorde nagusi Natalia Fernández Laviadak Simone de Beauvoir aipatu zuen: «Ez da emakume jaiotzen, emakume izatera iristen da»; izan ere, zuzendariordearen hitzetan, ez dago ezer biologikorik gure gizartean nagusi den diskriminazio kulturalean. «Administrazioak, txarter honek eta haren lan-batzordeek eta Fraternidad-Muprespa mutualitateak berak obligazioa dugu zabaltzeko, hezteko eta sentsibilizatzeko, beharrezko aldaketak sendotzeko eta berdintasuna egiazko eta eraginkorra izan dadin; izan ere, emakumeak bizi dituen sufrimendu psikosozial asko eta asko jatorri horretakoak dira», baieztatu zuen.

Kristalezko sabaia, hizkuntza sexista, lan-jardunaldiaren rol bikoitza edo genero-ikuspegia kontuan hartzen duen lan-arriskuen prebentzio-legeriaren premia jorratu zituen, besteak beste, txarterreko talde baten aurrean egindako agerraldian. Ikus-entzuleen artean ziren, halaber, Carlos Nacho, Fraternidad-Muprespa Las Palmaseko probintzia zuzendaria, eta Arrecifeko ordezkaritzako zuzendaria, Pedro Figueras.