Política de cumprimento penal
Fraternidad-Muprespa rexeuse dende a súa fundación por criterios de ética empresarial, tomando como base a honestidade nas relacións cos seus grupos de interese e, en especial, cos seus clientes, o fomento dun clima laboral xusto e motivador, así como a implicación activa coa súa contorna. Fraternidad-Muprespa declara o seu firme compromiso co cumprimento de toda lexislación, renunciando a calquera tipo de acción que supoña contravir as normas legais ou as socialmente aceptadas como correctas nun mundo desenvolvido, xusto e sostible, aínda no caso de que desta renuncia produza unha perda directa ou indirecta.
Os valores defendidos por Fraternidad-Muprespa nesta liña son:
- Pleno sometemento á legalidade
- Obxectividade e neutralidade
- Boa fe
- Transparencia
- Respecto
- Responsabilidade e compromiso profesional
- Seguridade e saúde no traballo
- Confidencialidade
- Integridade
- Calidade
- Honestidade en todos os aspectos do negocio
- Responsabilidade social
- Cumprimento e defensa dos dereitos humanos
- Protección do medio ambiente
Para a aplicación real destas premisas, Fraternidad-Muprespa deseñou e implantou un sistema de cumprimento, que engloba todos os requisitos da norma UNE 19601:2017, e que debe ser respectado e cumprido por toda a organización e por aqueles que presten servizos en nome da organización sobre os que Fraternidad-Muprespa ten capacidade de influencia. O sistema non só acepta, senón que promove que traballadores e outros grupos de interese poidan facer chegar as súas inquietudes respecto a posibles conflitos, con confianza e sen medo a represalias. Para a garantía do compromiso, a Xunta Directiva de Fraternidad-Muprespa confiou a xestión, defensa e mellora continua do sistema ao Órgano de Cumprimento Penal, dotándoo da independencia, autoridade e medios abondos para iso. Fraternidad-Muprespa espera que empregados, provedores e aliados cumpran con esta política e co sistema, tanto na súa letra coma no seu espírito de honestidade.
